توين كارتونز تطلق العدد 0 من مجلتها جراج [ Interview ]

m

توين كارتونز تطلق العدد 0 من مجلتها جراج [ Interview ]

قدم لينا نفسك ؟ أو نفسكم توينز كرتون ؟ توينز شكون او كفاش  ؟ 
احنا أخين توأم (محمد و هيثم) معروفين فى المجال باءسم توينز كارتون لأننا كمان خريجين نفس الكلية و هى كلية الفنون الجميلة قسم الرسوم المتحركة و بنشتغل مع بعض فى نفس المجال من وقت التخرج حتى الان و احنا بنشتغل ك فريق واحد و بما ان محمد أكبر منى ب 4 دقائق ف عامل فيها عليا مدير و ماسك الأمور الإدارية وانا مركز اكتر فى الأمور الفنية .

ماهي المشاريع التي اشتغلتم عليها في الماضي ؟ وماهية المشاريع التي تشتغلون عليها الآن ؟
عملنا لدى عدد من دور النشر العربية و الأجنبية و عملنا ورش عمل داخل مصر و خارجها ..و كنا  ممثلين لفنانين الكوميكس  المصريين BECA بمهرجان برعاية معهد جوته و المعهد الثقافى الفرنسى  بحضور فنانين كوميكس من ألمانيا و فرنسا
2014

ومن سنة 2014 أسسنا مشروع ” كوكب الرسامين” و هو مشروع فنى يهدف الى تجمع اكبر عدد من الفنانين الهواة و المحترفين لخلق ورش تفاعلية فنية و من خلالها  أصبح مشروع كوكب الرسامين منصة لعدد من المشاريع مثل ورشة عمان رايح جاى بالأردن بالتعاون مع مؤسسة خرابيش   و التى صدرت من خلالها كوميكس (عمان رايح جاى) الذى يحتوى اعمال الفنانين الاردنيين الشباب.
و أحد المؤسسين لمهرجان كايرو كوميكس الذى ستقام فعالياته 30 سبتمبر القادم بالقاهرة
و من المشاريع التى نعمل عليها الان مجلة ( جــــراج) للقصص المصورة تحت منصة ( كوكب الرسامين )

11840388_10153458438565126_1306083813_o

ماهي مجلة كراج ؟ كيفاش جات الفكرة ؟ 

هى مجلة مصرية مستقلة للقصص المصورة ” الكوميكس” تصدر عن كوكب الرسامين كل ثلاثة أشهر ,تجمع بين أعمال الفنانين المحترفين و الهواة من جميع أنحاء الوطن العربى و من أهم أهدافها خلق نوع من التفاعل بين الرسامين لزيادة انتاج الكوميكس مما يجعله فنا شعبيا و إتاحة الفرصة للفنانين لعرض أعمالهم فى شكل مجلة مطبوعة

و جات الفكرة لما عملنا عدد من الورش و لقينا ان فيه رسامين عندهم شغف بالفن و موهوبين بس مش لاقيين مطبوعة تجمع أعمالهم ف جات الفكرة اننا نعمل المجلة دى و يبقى فيها فنانين محترفين عشان يوصلوا ليهم الخبرة اللى اكتسبوها قبل كده.

لماذا إسم المجلة كراج
و جراج كلمه بتدل علي إنها حاجه من الدور الأرضي بتطلع للنور من  underground تقدر تقول ان احنا قفلنا على نفسنا لمدة 9 شهور فى مكان اشبه بالجراج عشان نطلع المطبوعة

أين سوف يكون اللونش  ؟ وماذا سوف يكون في اللونش .. هل توقيع أم توقيع ومسائل أخرى يعني معرض الخ ؟

هيكون فى وسط البلد بالقاهرة ب ساحة روابط الفنية, و حفل الاطلاق مش هيكون مقتصر على التوقيع بس .. هيكون فيه ملصقات لبعض اعمال الفنانين المشاركين بجانب لوحة رسم كبيرة على الحائط هيرسم عليها الفنانين المشاركين و بعض الحضور و هيبقى قدام الجمهور و فى الختام حفلة موسيقية نخلى الناس تنبسط مش هيبقى كله كوميكس يعنى .

ماذا سوف يكون نموذج أو توقيت المجلة ؟
توقيت نزول المجلة هيكون يوم الجمعة 28 أغسطس ان شاء الله و من بعدها هتبقى المجلة فى منافذ البيع المختلفة اللى هنعلن عنها فى القاهرة و الأسكندرية و بعض محافظات الصعيد و ميمنعش اننا حابين تطلع و تتوزع خارج مصر فى دول الشام و المغرب العربى, لأن ده هدفنا انها تكون مجلة مصرية ذات هوية عربية و خصوصا ان فيه فنانين مشاركين فى جراج من الأردن و سوريا
11831853_10153458439085126_394425960_o

هل تظنون أن هذه المجلة سوف تنجح ؟

بص زى ما بنقول بالمصرى ارمى تكالك على الله م دام فيه مجهود و تعب من كل اللى شاركوا فى المجلة , و النجاح بالنسبة لينا ان المجلة تنتشر وسط العامة قبل الفنانين لأن ده اللى يفرق معانا و ده هيكون النجاح بجد .

ماهي المشاريع المستقبلية ؟
من المشاريع المستقبلية المهمة بالنسبة لينا مهرجان ( كايرو كوميكس) بالقاهرة و اللى احنا و مجدى الشافعى و شناوى مؤسسين مستقلين ليه و اللى بنحضرله من فترة كبيرة و اللى هتبدأ فعالياته من يوم 30 سبتمير و تنتهى 3 أكتوبر و هيبقى فيه تجمع كبير من الفنانين العرب من لبنان و الأردن و المغرب و الجزائر و ليبيا و تونس و السودان  و الأجانب من فرنسا و اليابان و غيرهم

من هو التوين الأكثر نشاطاً في السوسيال ميديا وماهو نفع السوسيال ميديا بالنسبة لتونز كرتون ؟

هيثم الأكثر نشاطا فى السوشيال ميديا بس محمد اللى بيشتغل اكتر  offline السوشيال ميديا نفع لينا و نفع لكل الرسامين لعرض أعمالهم و مننساش ان المشروع الخاص بينا كوكب الرسامين اعتمد فعليا بمراحله الاولى على السوشيال ميديا و مازال بس ده بجانب أرض الواقع و برضه السوشيال ميديا هى اللى خلتنا نتواصل بيكم و ب فريق سكفكف اللى ان شاء الله  يسعدنا بالتعاون معاهم قريب . مجلة

كلمة أخيرة

فن القصص المصورة هو فن قوى بصريا و مهمتنا ك فنانين كوميكس اننا ننشر الفن ده ب شكل اكبر فى الدول العربية و يبقى زى الجورنال فى ايد الناس البسيطة بحيث انه يكون فن شعبى بيعبر عنهم.

11218630_10153458445755126_5385021774985541262_n

No Comments

Post a Comment